Si vostre cueur où froidure prend place
Veult faire essay de ma grande chaleur,
En peu de temps la rigoureuse glace
Sentirez fondre, et prendre autre couleur.
Vous donnerez à ma grande douleur
Allegement par la chaleur esteinte.
Mais si long temps je souffre son attainte,
Sans qu’en preniez pour me donner secours,`
Vous serez cause, en oyant ma complainte,
Que je mourray – car je brusle d’Amours.